Eureka!

1:51pm
Noong nakita mo ang sagot na matagal mo nang hinahanap

Umamin ka. Mas masarap sa ating pandinig na marinig ang mga sagot na atin ding ginugusto. Naranasan ko nang tanungin nang paulit-ulit ang kapatid ko kung pumayat na ako, at titigil lang kapag narinig ko ang kanyang matamis na pambobola. Naiisip ko, kaya siguro may second at third opinions ang mga pasyente. Madalas, naka-ugat na din ito sa pag-asang magiging ayon sa atin ang karamihan (kundi man lahat) ng bagay.

Umamin ka. Kung isa kang pangkaraniwang anak mula sa isang pangkaraniwang pamilya, may pagnanais kang makatapos ng pag-aaral, paunlarin ang sarili at maipakita sa iyong magulang ang iyong pagmamahal sa pamamagitan ng pagtulong sa kanila. 

Ilang araw na din simula nang tanungin ko si mama sa halaga na dapat kong ibigay sa bahay. Bigo ako. Syempre sasabihin niya, "Ikaw ang bahala," sabay paglaki ng butas ng ilong. Hindi ko tuloy alam. Nangangapa ako sa ganitong issue. Sinubukan ko namang tanungin ang ilang kaibigan ko. At dahil iba't iba kami ng pamilyang kinalakhan, iba't iba kami ng eksena sa buhay pagta-trabaho, malamang iba-iba rin ang nakuha kong sagot.

Hanggang sa nakita ko ang mga katagang ito sa internet (mula sa PinoyExchange):

...but i plan to give my first paycheck to my mom tapos afterwards, i'll give only when i can. 

0%. They don't need money from me.

20% lang din sakin. Wish I could give more but its all I can for now

Nakarinig na ako ng mga bagay na ginusto kong marining. Hindi naman pala talaga kailangang magbigay ng napakalaking halaga. Malapit ko na sanag bigkasin ang Eureka sa utak ko for the 50th time. Hanggang sa makabasa ako ng mga ito:

syempre... a sign of utang na loob.. kasi im kind of a generous person... hehe

i don't think giving them money is a sign of "utang na loob"...if I'd be a parent someday, it'll be a slap in my face if my kids would give me money as a sign of "utang na loob"...if i want to show them "utang na loob" i'd just do the ff. love, respect and honor them by being a good child, citizen and student.

lahat.. humihingi na lang ako ng allowance.. madami kasi kami bayarin e.. 

yay.. i wish i can.. but both my parents are deceased.. 

I wish I gave more to my mom. Now that she's passed away, I realize that she's given me more in the way of love, kindness, patience, understanding, and listening that any amount of money can ever buy. R.I.P. Mom!

Ipagmaumanhin kung nahatak agad ako ng emosyon, pero totoo din naman ang mga ito. All these times, I have been thinking of how little I can make my contributions for the expenses. Sapat na din sigurong may maipon ako sa aking sarili at makatulong sa gastusin sa bahay. Inaamin ko, may kaunting bigat sa pakiramdam. Sana lang, itong bigat mawala na din kinalaunan.

Naalala ko ang sinabi ng isa kong kaibigan, "Nag-iiba talaga ang magulang kapag usapang pera na," Sana hindi ito mangyari sa kanila.